قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى №249

2015 جىلعى 17 شىلدە,  استانا قالاسى ويىن بيزنەسىن ۇيىمداستىرۋشىنىڭ ەسەپتىلىكتى ۇسىنۋ نىسانىن, ويىن بيزنەسىن ۇيىمداستىرۋشى ۇسىناتىن ەسەپتىلىكتى جيناۋدى جانە تالداۋدى جۇزەگە اسىرۋ قاعيدالارىن بەكىتۋ تۋرالى «ويىن بيزنەسى تۋرالى» 2007 جىلعى 12 قاڭتارداعى قازاقستان رەسپۋبليكاسى زاڭىنىڭ 8-بابى 1-تارماعىنىڭ 7-2) تارماقشاسىنا سايكەس بۇيىرامىن: 1. مىنا: 1) وسى بۇيرىققا 1-قوسىمشاعا سايكەس ويىن بيزنەسىن ۇيىمداستىرۋشىنىڭ ەسەپتىلىك نىسانى; 2) وسى بۇيرىققا 2-قوسىمشاعا سايكەس ويىن بيزنەسىن ۇيىمداستىرۋشى ۇسىناتىن ەسەپتىلىكتى جيناۋدى جانە تالداۋدى جۇزەگە اسىرۋ قاعيدالارى بەكىتىلسىن. 2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەر كوميتەتى (ە.ب. قاناعاتوۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىنە مەملەكەتتىك تىركەۋگە جولداسىن; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن مەرزىم ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن; 3) وسى بۇيرىقتى رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرسىن; 4) قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ءىس-شارالار ورىندالعان كۇنىنەن باستاپ ون جۇمىس كۇنى ىشىندە وسى تارماقپەن كوزدەلگەن ءىس-شارالاردى ورىنداۋ تۋرالى مالىمەتتى ەنگىزسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى مادەنيەت جانە سپورت ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى مادەنيەت جانە سپورت ءمينيسترى ا. مۇحامەدي ۇلى قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 17 شىلدەدەگى № 249 بۇيرىعىنا 1-قوسىمشا نىسان ويىن بيزنەسىن ۇيىمداستىرۋشىنىڭ ەسەپتىلىگى ۇيىم اتاۋى _________________________________ زاڭدى مەكەنجايى ____________________________ بيزنەس سايكەستەندىرۋ ءنومىرى ____________________ بەرىلگەن ليتسەنزيانىڭ ءنومىرى مەن كۇنى ___________ ويىن جابدىعىنىڭ اتاۋى جانە ءتۇرى ويىن جابدىعىنىڭ سانى سەريالىق ءنومىرى دايىنداۋشى ەل جانە زاۋىت ويىن جابدىعىنىڭ, ويىن اۆتومات-تارىنىڭ تەحنيكالىق جاي-كۇيى جابدىقتى تەستىلەۋ كۇنى بەينەجازۋ جۇيەلەرىنىڭ جاي-كۇيى تۋرالى مالىمەتتەر ويىن اۆتومات-تارىنا تەحنولو-گيالىق سالىنعان ۇتىستىڭ بەلگى-لەنگەن پايىزى (ويىن اۆتو-ماتتارى زالدا-رىنا) ويىن ۇستەلدەرىنىڭ سانىن وزگەرتۋ, جابدىقتى اۋىستىرۋ تۋرالى مالىمەتتەر كاسسالار مەن قىزمەتكەرلەر سانى تۋرالى مالىمەتتەر نەگىزىگى قىزمەت تۇرىنەن تۇسكەن جالپى سالىق سوماسى بەينە جازۋ جۇيە- ءسىنىڭ اتاۋى سانى جاي-كۇيى جابدىقتى تەستىلەۋ كۇنى اۋىستىرعان جابدىق-تىڭ سەريالىق ءنومىرى ليتسەنزيا الۋ كەزىندە كورسەتىلگەن ويىن ۇستەلدەرىنىڭ سانى ويىن ۇستەلدەرىنىڭ سانىن ۇلعايتۋ جانە قىسقارتۋ تۋرالى اقپارات ەلدى مەكەن (وبلىس, قالا) كاسسانىڭ ورنالاسقان جەرى (مەكەن جايى) قىزمەتكەرلەر سانى 1 2 3 4 5 6 7 8 9 10 11 12 13 14 15 16 17 18 ۇيىم باسشىسى _____________________________ م.و. (بولعان جاعدايدا) ت.ا.ءا (بولعان جاعدايدا) قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 17 شىلدەدەگى № 249 بۇيرىعىنا 2-قوسىمشا ويىن بيزنەسىن ۇيىمداستىرۋشى ۇسىناتىن ەسەپتىلىكتى جيناۋدى جانە تالداۋدى جۇزەگە اسىرۋ قاعيدالارى 1. جالپى ەرەجەلەر 1. وسى ويىن بيزنەسىن ۇيىمداستىرۋشى ۇسىناتىن ەسەپتىلىكتى جيناۋدى جانە تالداۋدى جۇزەگە اسىرۋ قاعيدالارى (بۇدان ءارى – قاعيدالار) «ويىن بيزنەسى تۋرالى» 2007 جىلعى 12 قاڭتارداعى قازاقستان رەسپۋبليكاسىنىڭ زاڭىنا سايكەس ازىرلەنگەن جانە ويىن بيزنەسىن ۇيىمداستىرۋشى ۇسىناتىن ەسەپتىلىكتى جيناۋ جانە تالداۋ ءتارتىبىن ايقىندايدى. 2. ەسەپتىلىكتى جيناۋدىڭ جانە تالداۋدىڭ ماقساتى ويىن بيزنەسى سۋبەكتىلەرى قىزمەتىنىڭ ويىن بيزنەسى تۋرالى زاڭناماعا سايكەستىگىنە مونيتورينگ جۇرگىزۋ بولىپ تابىلادى. 2. ەسەپتىلىكتى جيناۋدى جۇزەگە اسىرۋ ءتارتىبى 3. ەسەپتىلىكتى جيناۋ وسى بۇيرىققا 1-قوسىمشاعا سايكەس نىسان بويىنشا ەسەپتىلىكتى (بۇدان ءارى – ەسەپتىلىك) ويىن بيزنەسى سالاسىنداعى ۋاكىلەتتى ورگانعا (بۇدان ءارى – ۋاكىلەتتى ورگان) ويىن بيزنەسىن ۇيىمداستىرۋشىلاردىڭ ۇسىنۋى ارقىلى جۇزەگە اسىرىلادى. 4. ەسەپتىلىك قاعاز تاسىعىشتا ەسەپتى كەزەڭنەن كەيىنگى ايدىڭ 10 كۇنىنەن كەشىكتىرمەي توقسان سايىن بەرىلەدى. 5. ەسەپتىلىك مىناداي اقپاراتتى قامتيدى: 1) ويىن جابدىعىنىڭ, ويىن اۆتوماتتارىنىڭ تەحنيكالىق جاي-كۇيى تۋرالى مالىمەتتەر; 2) بەينەجازۋ جۇيەلەرىنىڭ تەحنيكالىق جاي-كۇيى تۋرالى مالىمەتتەر; 3) ويىن اۆتوماتىنا تەحنولوگيالىق سالىنعان ۇتىستىڭ بەلگىلەنگەن پايىزى تۋرالى مالىمەت; 4) ليتسەنزيا العان كەزدە كورسەتىلگەن ويىن ۇستەلدەرى سانىنىڭ وزگەرۋى, جابدىقتى اۋىستىرۋ تۋرالى مالىمەتتەر; 5) كاسسالار ءتىزىمى مەن قىزمەتكەرلەر سانى تۋرالى مالىمەتتەر; 6) قىزمەت تۇرىنەن تولەنگەن جالپى سالىق سوماسى تۋرالى مالىمەتتەر. 6. ەسەپتىلىك ويىن بيزنەسىن ۇيىمداستىرۋشى باسشىنىڭ نە ونى الماستىراتىن تۇلعانىڭ (مىندەتتەردى جۇكتەۋ تۋرالى بۇيرىق كوشىرمەسىن قوسا بەرىپ) قولىمەن, سونداي-اق ۇيىمنىڭ مورىمەن كۋالاندىرىلادى (بولعان جاعدايدا) جانە ۋاكىلەتتى ورگانعا جىبەرىلەدى. 7. ۇسىنىلعان ەسەپتىلىك ۋاكىلەتتى ورگاندا تىركەلەدى جانە ونى ونىڭ ءتيىستى قۇرىلىمدىق بولىمشەسى قارايدى. 3. ەسەپتىلىكتى تالداۋدى جۇزەگە اسىرۋ ءتارتىبى 8. ۋاكىلەتتى ورگان ۇسىنىلعان ەسەپتىلىكتىڭ نەگىزىندە بارلىق قاجەتتى دەرەكتەردىڭ بولۋىنا جانە تولىقتىعىنا تالداۋدى جۇزەگە اسىرادى. ۇسىنىلعان ەسەپتىلىكتى تالداۋعا مىنالار كىرەدى: 1) ويىن بيزنەسىن ۇيىمداستىرۋشىلارعا قويىلاتىن بىلىكتىلىك تالاپتارعا سايكەس كەلۋ تۇرعىسىنا قاراۋ; 2) ەسەپتىلىكتى تاپسىرماۋ نەمەسە تولىق تاپسىرماۋ بويىنشا مالىمەتتەردى قالىپتاستىرۋ. 9. تالداۋ ناتيجەلەرى ويىن بيزنەسى سالاسىنداعى مەملەكەتتىك ساياساتتى جەتىلدىرۋ بويىنشا ۇسىنىستاردى دايىنداۋ ءۇشىن پايدالانىلادى. 10. ۋاكىلەتتى ورگان ەسەپتىلىكتى جيناۋ, قورىتىندىلاۋ جانە تالداۋ جولىمەن ويىن بيزنەسى ۇيىمداستىرۋشىلارىنىڭ بىلىكتىلىك تالاپتاردى ساقتاۋى تۋرالى مالىمەتتەردى قالىپتاستىرادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11948 بولىپ ەنگىزىلدى.